Kay Límites Internos kamachiyta minkashka rimankakuna, chay kamachiywan yanaparina runakuna chaypi kanka.
Shinami Comisión de Gobiernos Autónomos minkashka shuk killa yapa, 28 puncha, sitwa killakama ñami allichishkata charinka.
Chaypak ishkay yuyarita hapirka, saywa llakita allichinkapa llaktapi kawsakkuna chaypi kana.
Kamahchiyta rikukpi Mamallaktapika 970 llakikunami tiyan. Achkakunami shulkapura saywan llaki kan, allpapi rikukpika 772 llakikunami kan.
Chaymanta, kitikunapak 168 llakikuna kan; markakunapak 30 llakikuna kan.“Mana llullashpa rimana kanchik”, shinami rimanakuy patakunata pushak, Montgómery Sánchez kamachiy killkak rimarka. Kay llakikunata allichinkapa achka willaykunata chaskinka, chay llaktakunapi kawsak runakunapak munayta chaskinka.
Katikillata rikushpa, 5 puncha, sitwa killaman, chay Asociación de Municipalidades del Ecuador, del Consorcio de Consejos Provinciales y del Consejo Nacional de Gobiernos Parroquiales Rurales kamachikkunata kayanka.
Paykuna imshina chay llakikunata allina yuyarishkatami apamunka, chaymi imashina chay llakikuna wiñarishkata yachakchayarinka nirka, chayta riksishpa saywa llakikunata allichina, shinami Imbabura markamanta kamachiy killkak, Diego García, rimarka.
Kay Comité Nacional de Límites Internos minkashkakuna kay kamachiy alli killkarichun chayrak shuktak rikuykunata hapishpa, shinaka allimi kan nirka. Kamahik Raúl Muñoz, payka kay kamaywasipak killkakamayukmi kan, payka sarun tantaripipash karka, chaypimi kamachiy alli killkarikukta tukuykuman rikischirka, ashtawan rimanakushpa katinkapa punchakuna sirinmi nirka.
LILA/pv/jc-kcihwa
