Mamallakta Tantanakuyta pushak, José Serrano Salgado, Mamallaktapak yallik Contralor, Carlos Pólit kamchikta wanachinkapa inti, 2 puncha, sitwa killa kayarka, 15h00 kallarinka.
Kay atinakuytaka Mamallakta Tantanakuy shuwayta takankapa llankaymi kan, kay llankakaytak chusku wata tukurinka kamami chayanka.
Mamallakta Tantanakuyta pushak, kay llankayka shuwakunata katinkapami kan, shinami runakuna mañashkata paktachina kan.
Llankayta katinaka kamachiy killkakkunapak llankaymi kan. Kunan suwakunata katinaka Mamallaktapak llanklayta katinami kan. Chay rimaykunapash ñukapak llankanamanta mana anchurinkachu, Serrano rimarka.
Llaktay wanachimanta rimashpa, kay wanachitaka arinishkawan, achiklla rikuchishpa, mana llullashpalla katinami kan, yallik anchurik hatun awllik kay tantariman mitsarichun chayamuchun. Kay rimanakuyka sukta sayllatami charinka.
Kamachiy killkak, Daniel Mendoza, wanachichun mañak, huchachina rimayta riksichinkapa ishkay sayllata charinka. Kay wanachinata pushankapa Comisión de Fiscalización tantari arinishkami kan, willayta arinirka. Wanachik rimashka kipa, hunchachishka kimsa sayllata riksichinka, kutintak huchachik rimanka tukuchinkapa, huchachishka rimayta charinka.
Kipaman kamachiy killkakuna rimayta charinka, sapan kamachiy killkak chunka saylla rimayta charinka, kutintak mana rimanka. Kamachiy killkakkuna llaktay wanachinata paktachinka wanachinka. Kay rimankuymi Fiscalía kamachikman kay llaktay wanachina chayana, mana chanachinata rikuchinka. Kay wanachinata pakatachishpa, kullki shuwakunata katinkapa achka mutsuypak achkata yanapanka, rimarka.
LILA/pv/jc-kichwa
