Mamallaktapi shuway washaman sakirichun mana shayarinchu.
Shinami Mamallakta Tantanakuy chay Contralor General del Estado, Carlos Pólit hatun kamachikta llaktaywanachita kallarin.
Shinallatak, surkushpa kachankapa kamachiy killkakkunapak 69 apuchiymi mutsurin.
Kay Fiscalización minkashka wanachiy katichun minkarka, Mamakamachiyta, shuktak kamachiyta pakishpa paypak awllita mana paktachishkamanta wanachina urman, tukuylla awllita pakishka, chanita mana charik, kallarita mana charin, sumak yachayta pakishka, shina llakita rikuchirka.
Minkashka kamachiy killkakkuna rikushka pankawanmi wanachiy kallarishka, pay Daniel Mendoza kamachiy huchata rikushkawan kallarirka, paymi wanachiynami, mana sakinachu nishpa kallarirka.
Kamachiyta katishpaka huchachishka sinchikushpa katinatami rikuchin, huchachik huchachishka rimayta charinami kan, kamachiy killkakkuna rimanakushpa, apuchishpa surkushpa kachana.
Kay Secretaría General kamachikuna, chay Contraloría wasiman shuk willayta kacharka, yallik awllikpak wasiman willayta kacharka, zirma llikamanpash willayta kacharka, Mamallaktapi muyuk willak pankakunapi willashkami kan, chaska, wacha, inti punchakunami willayta purichishka kan, 15:00 sayllata chayamuna karka, shinapash 15:45 sayllakama mana chayamushka.
Kamachiy killkak, Mendoza, wanachiy katikuy pachapi Pólit hatun kamachik kachashka pankata killkakatichun mañarka. Chay rimaypillatak, yallik awllik Mamallakta Tantanakuyman ña anchurishka ninmi nishpa Mamallakta Tantanakuyman willarka, llaktay wanachiy katichun mañarka, shinami 133 kamachiy killkakkuna yanaparka.
LILA/jc-kichwa
