Kitipushakpak, kunakkunapak, shulkapushakpak, tantarita pushakpak ñawpakpi, Mamallakta Tantanakuyta Pushak José Serrano Salgado, Bolívar marka wiñarichun kamachiywan yanapanka.
Chayka: kimsa kamachiyta arinina, willachun mañashkata, llankashkata katinawan yanapana nirka, chaymi kikinkunapak hayñita paktachishun nirka.
Mamallakta Tantanakuyta Pushak, Fafo Gavilanes, markapak kamachiy killkakntin tukushpa, markamanta shamuk kamachikkunata chaskirka, paykunaka imashina llakimanta, mutsuymanta llukshina hawa riksichirka.
Shinallatak Serrano shuwakunata harkankapa llankakushkamanta, llaktayukkunata chaskishkamanta, alli kamachiyta rurakushkamanta yupaycharka. Shinallatak “tukuykuna mutsushka Mamallaktata wallpankapa” tantarichun nirka.
Chay Miguel Ruiz, Bolívar markapak kamachikkunata kimirinakuchik, chay Consejo Consultivo Productivo y Tributario tantarita wiñachina hawa yuyachirka. Shinallatak ñukanchik llaktamanta kullki shukshikpi, ista llaktamanta katuna yaykumukpi churashka kullkita kuchun ama anchuchichun mañarka. Hatun, paktalla, uchilla llankak wasikunata rikuchun nirka.
Kay llankaykuna mana paskanallachu kan nirka, imashnami chay Willay kamachiy kakun, shinaka, mana kanachu nirka. Shinallatak kay Código de Organización Territorial mushukyarichun nirka, chay kamachiymi imashina kunakkuna llankashkata katinka nirka, kay Tránsito y Transporte Terrestre kamachiytapash allichinami rikurin, chaywan pakllakunapi kawsak runa purina llakita pankayachina kan nirka.
Chay Guaranda, Echeandía, San Miguel, Chillanes, Caluma, Las Naves kitikunamanta shamuk kamachikkunaka ñankuna rurashkata, yakuta, achikta, allikawsayta, yachayta, kamayta rurashkakunata Mamallakta Tantanakuy katichun mañarka. Shinallatak kitikuna yalli kullkiwan manuchun mañarka, markapura saywata allichina, kapukyachun, mintalayta kullkiwan yanapachu mañarka.
Mamallakta Tantanakuyta pushakpak tikrachika, chay pachallatakmi karka, wakin llankaykuna ñami kan nirka. Kay Código de Comercio kamachiyka: paktakay, yanapay, paktachinapi, paktarakipi llankakun nirka, shinami kikinkuna mañashkata paktachinka nishpa willarka. Shinallatak Fomento Agropecuario kamachiyta, shina mayhan mintaytapash ama manyapi sakirichun nirka.
LILA/pv/jc-kcihwa
