Kamachiy killkak Dayllana Passailaigue rimaypika, warmita takak shukllapash ama tiyachun anchuchina nirka kan.
Kay yuyaywan warmi kashkamanta wañuchikta, rimashpa warmita yuyapi kumurichiktapashpa, hamishpa, kusa kashpapash ama waktachun mana sakina nirka.
Warmi kakpi wañuchinami yalli hatun hucha kan, chaytaka supaychanami rikurin, shinami Comisión Ecuménica de Derechos Humanos tantarita pushakkuna rimarka, kay watapi 80 warmikunami kay llakita charishka, 70 wawakunami sapalla sakirishka, Mamallakta kamachiykunawan mana harkakpika ashtawanmi mirarishpa katinka.
Warmi kakpi wañuchinata karkankapa kamachiy tiyakka hatun ushaymi kan, wañuchichun harkanami yalli sinchi kan, kay llakikunata harkankapaka yachaytami mirachina kan, shina karikuna paypak shunkuta kasiyachishpa ama warmita llakichichun yachachna.
Yachaymanta rimashpaka, wawamanta, pakta runamantalla mana rimanichu, ruku warmi, karimantapash rimani. Ashtawankarin awllikkunamanta, kishipiychikkunamanta, paktakay tiyachun llankakkuna, chapakkuna, llaktaykunapash rikunata charin. Tukuykuna mana shunkuta mushukyachikpika, llakikuna mana rantinchirinkachu.
Kamachiy killkakpak ñawipika, paktakay tiyachun llankakkunamanta takaykuna shamunmi, chay llakikuna tiyachun, kusata imata rurashkata, warmita tapukpika, shuktak warmita tarishka ninkachu.
Kay llakikunata harkankapa, shuk kamachiyta arinichun Mamallakta Tantanakuypak hunta tantaripak makipi churashka kan nirka, chay kamachiypimi warmi kushkamanta wañuchinata harkankapa nikikuna killkashka kan nirk.
Shinallatak wakin warmikuna ushaypi kashpa wañun chaykunata kay, Código Penal kamachiypi harkan, shinallatak kay llakimanta Mamallakta rikunata charin nirka.
PV/jc-kichwa
