Kay Soberanía Alimentaria, Vannesa Cordero pushakwan, ministra de Agricultura kamachikwan, wakrata charikkunawan, chay fiebre aftosa wakra unkuyta imashina anchuchinamanta rimarka, kay unkuyka Colombia saywapi, Venezuela saywapi, sarun 24 puncha, raymi killapi rikurishka.
Kay Ministra kuski killapi, wakrakunata hampina kallarinka nirka, sistema inmunológico del ganado llankayta kallarinka, hampishka kipa chay unkuy mana katirinka, hampinkapa, hampita rantinkapa kullki tiyan nirka.
Kayta, Sthalyn Vera, Asociación de Ganaderos de El Carmen (Manabí) tantarita pushak, hampikuna utka ashalla pachapi chayamuchun, achka pankakuna, kamachikkuna rikuna anchurichun mañarka.
Kay hawa, Vannesa Cordero, panchi killapi kallari hampina puncha kallarirka, chayka sukta killami tukun, wakrakunaka karwa killakama inmune samimi kan, Mamallaktapak mayhan kuskapipash unkuy mana rikurinchu.
Rimanakuy patakupi kak kamachikkunapash wakrata charik runakunapak mutsuyta uyarka. Kay Secretaria de Estado kamachik, chay Puente Internacional de Rumichaca llaktapi, hampishpa kallarina kuska kan nirka, chaypimi unkuyta chapakun.
Colombia llaktamanta chakiwan purishpa unkushka wakrakuna ama yaykumuchun chapakun.“Kay kuskapimi ishkantin Mamallakta kimirin nirka, chaymanta unkuy ama yaykumuchun harkakun nishpa rimarka”, shuktak saywakunapika, hatun ñanpi, chaki ñankunapi harkashpa chapakun, nirka.
PAU/pv/jc-kichwa
