Kay Jorge Corozo Ayoví kamachiy killkak, payka Comisión de Derechos Colectivos tantarita pushakmi kan.
Shinallatak José Chalá kamachiy killkakwan, Lenin Plaza kamachiy killkakwan tantarishkami karka.
Mamallakta yana llaktakunapak hayñita kamachun, sumaychachun nirka, llankaykunaman yaykuchichun, paktaraki tiyachun mañarka.
“Chay Escuela Militar kamaywasi kishpiychichun mañashka mana paktachu kan (shinami shamuk 10 puncha, sitwa killapi paktachinka). Kay rimanakuyka maypi yana kashkamanta tsikni ama tiyachun wanayta churanami kan, shina Mamallaktapak llankaykunaman wakcharunakuna, yanakunata, yunka runakunata yaykuchichun mañan”, nirka.
Kay hawa Chalá kamachiy killkak, Imbabura markapak shutipi shamurka. Kay Decreto Ejecutivo 60 kamachiymi Ecuador llaktapi tsikni tiyashkatamanta wanayta churachun achkata yanapan.
“Ñukanchik tawkasami kawsayta charin, kawsaypura kan. Shinami Mamakamachiy riman nirka, ñukanchik yana llaktamanta shamuk, Mamakamachiypi tiyak nikikunata paktachichun mañanata ushanchik nirka”, aseveró.
Kay Decreto kamachiyka amawta yuyaymanta rikukpika kay allpapachapi tiyak runakuna, paykunapak kawsaypi shukka hawapi, shukka uraypi kanata mana rikuchinchu, chay llullami kan, wañuchina yuyayman pushan, supaychanami kanchik, yuyaypipash, kawsaypipash mana kimirinchu.
Chay Plan Plurinacional para Eliminar la Discriminación Racial kamachiy, Exclusión Étnica y Cultural kamachiyka kamaywasipak llaktaymi kan, kay kamachiymi imalaya tsiknitapash anchuchin, takananmi kan.
Paymanta Alodia Borja Nazareno, payka Confederación Nacional de Afroecuatiorianos pushakmi kan, shamuk 10 puncha, sitwa killapi, Michael yana runa, paypak ayllu tsikni llakita aparishamanta llaktayukkuna yanata churachun mañarka. “Yanapak nanayka supaychaska kashka, kay yuyayta anchuchina kanchik, yanaka kawsay, wiñarimuk, wiñashpa katik llaktami kan nirka; Ecuador llaktapi paktakay wiñarimuk kan” rimarka.
PAU/pv/jc-kichwa
