Kaya 10h00 sayllata Mamallakta Tantanakuy 464 yupay rimanakuywan katinka, chaypimi ishkay mushuk kamachiy hawa rimanka.
Chay llakikunata harkankapa, kari warmi wawakunata, imillakunata, warmikunata waktay llakita shupaychankapa rimanakunka.
Kay rimanakuyta charinkapa José Serrano Salgado Mamallakta Tantanakuyta pushak kamachiy killkakkunata kayarka.
Kay Mónica Alemán, payka Grupo Parlamentario por los Derechos de las Mujeres tantarita pushakmi kan, kari warmi makanakuyta supaychankapa, ñapash harkak tupukunata churanka shuktak kamaywasikunaman, Mamallkata Tantanakuymanpash rikisichinkapa kayan.
Chay yuyaywanllatak Dallyana Passailaigue millik, waktak runakunata yachachishpa chay llakita harkaymi maya alli llankay kan nirka.
Warmi kamachiy killkakkuna warmi kashkamanta wañuchina hucha mirachishkamanta achkata llakirirka, kay Comisión Ecuménica de los Derechos Humanos tantari rikukpika, kay wata 22 puncha, aymuray killakama 80 hucha tiyashkata rikuchirka, yallik 2016 watapika, 118 tiyashka nirka. Shinami Dallyana Passailaigue kamachiy killkak rikuypika, 70 wawakunami sapalla sakirishka nirka.
Kay “mashna wañushkata mana rimanchikchu, warmikuna paktana muskuyta pitishkatami rimanchik nirka, paykunaka: llankak, yachakuk, wasi mama, yana warmi, runawarmi, misha karka nishpa willarka. Paykuna ña mana kay pachapi kanchu, wakllirishka ayllukuna sakrishka nishpa”, Alemán kamachiy killkak rimarka. Kunanka warmikunapak rimaymi kan nirka, warmi rimakpi mana uyashka kanka, Passailaigue nirka.
Kay yuyarikunawan Mamallakta Tantanakuy tawka kamaywasikunaman riksichichun rimarka, imashinami: Funciones Ejecutiva kamaywasiman, Judicial kamaywasiman, payku utkashpa kay llakita anchuchichun nirka,“wallpay”, kawsaypura ama takarichun tuputa churanka.
PV/jc-kichwa
