Mamallakta Tantanakuypi tawka markamanta, uchilla suyumanta shamuk kamachiy killkakkunantin Grupo Parlamentario por los Derechos de las Personas en Movilidad Humana tantarita wiñachirka.
Ñukanchik Mamallaktapi, ista llaktakunapi runapak hayñikunata Mamakamachiypi hapirishpa riksichina munayta charin, shinallataka purik runakunapak kawsayta riksichina, kamachiywan llankaypi kanka.
Kay tantarita wiñachina yuyayka ista llaktakunawan llankak kamachiy killkakkunawan yuyarishkami kan, imashinami Esther Cuesta, Esteban Melo, paykunaka Europa, Asia, Oceanía llaktakunawan llankan; Ximena Peña kamachiy killkak, Estados Unidos, Canadá llaktakunawan llankan, Mauricio Zambrano kamachiy killkak, Latinoamérica, África, Caribe llaktakunawan llankan.
Shinallatak Ximena Peña kamachiy killkak, payka Bancada Legislativa de Alianza PAIS tantarita purichikmi kan, tukuykunami shuk rimaypilla Coordinadora General del Grupo tantarita pushachun churarka, Esteban Melo kamachiy killkak Kipapurichik tiyarirka.
Shinallatak, Sonia Palacios kamachiy killkak, Los Ríos markamanta shamuk, Killkakamuyuk sakirirka, payta Esther Cuesta kamachiy killkak yanapanka, Circunscripción de Europa, Asia, Oceanía llaktakunawan llankanka, shinallatak Mauricio Zambrano la Circunscripción de Latinoamérica, África, Caribe llaktakunawan llankanka.
Shinallatak, Lenin Plaza, Esmeraldas markamanta shamuk, chincha saywata rikunka, shinallatak Lira Villalva, Tungurahua markamanta shamuk, Jorge Corozo, Chimborazo markamanta shamuk, chawpi punasuyuta rikunka, Juan Cárdenas, Cañar markamanta shamuk, Austro markakunata rikunka.
Kay Movilidad Humana kamachiy llankay kallarikpi, kay kamachiyta paktachinkapa uchilla kamachiyta killkanka, arininka, kipaman chay llankaykunapak kullkita, nipakunata mashkanka, tukuylla llaktayta paktachinka, runakunakunawan, tantarikunawan, kamay wasikunawan llankanka, Mamallakta Tantanakuy yanapachun mañanka.
JC-kichwa
