Kamachiy killkak Cristina Reyes, ruku runakuna IESS kamaywasiwan yuyarichun mañan.
Mamallakta, IESS kamaywasiman manuta tikrachina punchata rikuchun mañan.
Shinami, chay kullkiwan hampita rantishpa ancha unkuyta charik, ruku runakunaman kuchun yuyachirka, imashinatak 2.500 hunu kullkita tikrachina hawa rimarka.
Warmi kamachiy killkak Henry Llanes, ruku runakunamanta llankak, Richard Espinosa kamachikta llankaymanta kuyuchichun mañarka, payka Consejo Directivo del Instituto Ecuatoriano de Seguridad Social kamaywasita pushakmi kan.
Shinallatak, “paypak ranti kamaywasimanta, ruku runakumanta, llankakkunamanta, kamashka runakunamanta llankachun mañan”, shinami Cristina Reyes riman.
Kamachiy killkak, kay Consejo Directivo tantarita pushak, chay Ministro del Trabajo kamachikman chayarin, pay Mamallakta pushakman chayachichun rimarka, shina chay ñawpa watakunamanta shamuk manu anchurichun nirka.
Kay Contraloría kamaywasi kawsaykamaywasipi imashina kullkita tukuchishkata rikushka kipami IESS kamaywasipi kullkita mana alli yupashka rikurin nirka, Mamallaktami “manuta mana tikrachin” rimarka, hampirichun mana kullkita kun, kay kullkita 31puncha, kapak killa, 2012 watamanta shamun, 2016 watakama mana tikrachin nirka.
RSA/pv/jc-kichwa
