Kay Código de Salud kamachiyta Santo Domingo llaktapi rimanakunka

Viernes, 14 de julio del 2017 - 12:47 Imprimir Elaborado por: Sala de prensa

Kay Derecho a la Salud minkashka, chay Santo Domingo de los Tsáchilas markapi, mushukyachishka Código de Salud kamachiyta rimanakunka.

Shinami, kay kamachiytaka tukuy tantarikunaman rikisichishkami kan. Kayta rimanakunkapa 17 puncha, sitwa killa, 10h00 sayllamanta kallarinka.

Kay tantariman, tawka llaktayukkuna, kamachiymanta chay llakta kawsaypi yachakkuna kayashka kan, paykunapak yuyaykunawan, yachaykunawan mushuk kamachiy allita killkarinka, kipaman ishkayniki atinakuyman yaykurinka, shinami William Garzón, minkashkata pushak rimarka.

Kamachik, Cecilia Falconí, Salud Pública kamaywasimanta shamuk kamachiik, kay Código kamachiy hawa achkata riksichinka, kutin Javier Aguavil, Etnia Tsáchila hatun pushak, ñawpa hampikunamanta yachachinka.

Kay Catalina Sandoval, kay Sociedad Científica de Medicina Interna de Santo Domingo tantarimanta, imashina Sociedades Científicas en el Sistema Nacional de Salud tantari llankaymanta rimanka.

Paymanta, Néyer Méndez Sáenz pushak, Tsáchila markapak Técnicos de Atención Primaria en Salud tantarita pushak, hampimanta técnicos, tecnólogos imashina kay mushuk kamachiyta killkankapa yanapayta charinka, .

Kay rimanakuytaka, Auditorio del Instituto Tecnológico Tsáchila yachana wasipi pusharinka, chayka Los Anturios, Quito ñankunapi, Santo Domingo kitipimi sakirin.

RSA/pv/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador