Tawka llaktay tantarimanta kamachiy killkakuna, tukuy kamachiy killkakuna, Mamallaktapi 219 ninata wañuchishpa llankakkunapak llankayta riksirka.
Shinami paykuna llankachun kullki tiyachun kamana mutsurin nirka, kullki tiyakpi alli llankayta pushanka.
Kay 125 apuchiwan manu kullkita zirma llankak wasi hapichun kamachiyta arinirka, chay kullkita hapishpa chikan maru kullkiwan, chikan kipushka kanka. Kay zirma llankakkunawan, ninata wañuchikwan shuk yuyarita killkanka, chaytaka 30 punchapimi ña killkata arinishka kanka.
Kay mushukyachishka kamachiyka, chay mawka Defensa Contra Incendios kamachiypak 32 nikipak rantimi tiyarin, kamachiypi mashna churashka kullkipak yapami, yanapak kullkita sapan killapi hapinka, chay kullkitaka zirmata hapik runakuna kushka kullkimantami hapinka.
Chay kullkika: llankay tiksi kullkimanta, maypi kawsana wasimanta kushkapak 0.50 % patsakri kullkita hapinka; shinallatak 1.5 % patsakri kullkita, zirmata katushkamanta; kipaka 3 % patsakrita, uchilla kapukyachik wasimanta, kutin 6 %, patsakrita shuktak kapukyachik wasikuna kunka.
Kamachiy killkakkunaka, Cuerpos de Bomberos ninata wañuchik llankakkuna sinchita llankashkamanta, sinchita ñakarishkamantami shina arinirka, manarak 16 puncha, ayriwa killa 2016 watapi Manabí markapi, Esmeraldas markapi allpa tuñiri llaki tiyakpi sinchita llankashkamanta yanaparka.
JLVN/pv/jc-kcihwa
