Kay Frente Parlamentario Ecuador sin Hambre shamuk ishkay watapak ishkay tiksiwan llankayñanta pushanka.
Shinami, kallaripika yarikayta harkankapa kamachiywan llankayta, tukuylla llaktay paktashkata rikunkapa shuk yachaykunata ruranka.
Shinami kay ishkayniki llankaypika kamachiyta mushukyachinkapa rimanakuykunata pushanka.
Kay llakita hatunpi harkankapa, sukta rimanakuy patakuta churanka, sapan patakupimi imashina kamachiy alli kana hawa achkata rimanka. “Yuyayka, imata aruranalla mana kanchu, imashina ruranapashmi kan”,.
Shinami Mauricio Proaño riman, payka tantarita pushakmi kan, paymi katikilla pankata churanka. Mayman chayanata rikunkapa Organización de las Naciones Unidas para la Alimentación y Agricultura (FAO) tantariwan llankanka.
Shinallatak, Juan Carlos Lloret kamachik, kamachiywan llankanata, awki llaktayta, alli mikuna tiyanata rikuchun minkashka kanka. Kallari rimanakuyta kay killami ruranka. Shinallatak, Ana Belén Marín ayllupak tarpuymanta, chirikunuk rantinchirinamanta, pakllakuna wiñarichun rikunka. Shinami kallari hunkapi mushuk kamachiy ashtawan yachari pusharinka.
Shuktak llankayka mikunamanta, allikawsaymanta rikunka, kay llankayka Gabriela Rivadeneira kamachikmi pushanka. Warmi kamachiy killkak: mikunata, alli mikuyta chikan chikan rimana nirka. Kay rimanakuymi alli kawsayta yachay allita runakuna hapichun, kamachun rimana kan nirka, kallari yachaytaka kuski killa shukni hunkapi pusharinka nirka.
LILA/pv/jc-kichwa
