Kay “Asamblea de puertas abiertas” llankaypi, chaska, wacha punchakuna Mamallakta Tantanakuyta pushak, José Serrano, chay Pedernales llaktapi Universidad Laica Eloy Alfaro de Manabí (Uleam) hatun yachana wasipak, Calceta llaktapi tiyak Escuela Superior Agropecuaria de Manabí (Espam), yachana wasipak yachakukkunawan, yachachikkunawan, kamachikkunawan, taytamamawan rimanakuyta charirka.
Chaypi, paykunawan tantarishpami sumakruray yachaykunapi yanapashun nirka, shinallatak Lenín Moreno Mamallakta Pushak, 40 sumakruray yanachana wasi wiñachinata yanapashun nirka.
Shuk hatun yanachana wasita wiñachina ninchu, Uleam hatun yachawasipillatak hatun sumakruray yachayta churana riman, kipaman Pedernales llaktapi hatun sumakruray yachayta churana riman, chay yachaykunaka sapan llaktapak mutsuykunata riksishpa sharina nirka, rurashpa yachana ukukunata churana nirka.
Chay Calceta llaktapak Espam hatun yanchana wasipak yuyayka tarpuna hawa, wiwata wiñachina hawa taripayta rurankapa kullkita mashkana nirka, paykunaka 130 patsak tupu allpata charinchik nirka, kamachik Myriam Félix López, kimsa wata washaman kullkita mana charishpapash ñami taripayta kallarirkachik nirka.
Kay hawa, Serrano Salgado, hatun yachana wasipak llankayka Mamallakta, chay llaktapi kawsak runakuna yanapashkami kana kan nirka.
Chaymanta Espam hatun yachana wasiwan, Mamallakta Tantanakuywan shuk yuyarita killkankapa kayarka, 130 patsak tupu allpapi taripayta rurashka, tarpuykunata hatun yachachina kamachiyta killkankapa yanapanka nirka.
Mamallakta Tantanakuyta pushak Manabí llaktapimi Ecuador llaktapi kawsak runakuna sinchiyana nirka, Manabí llaktapimi, paykuna sinchi kashkata, shuk yuyaylla kana, yanapayta, llakta kuyak kana rikuchin nirka. Shinami 16 puncha, ayri killa, 2016 wata allpa chukchuy tiyakpi, wasikuna, allpakuna ima tiyashka wakllirishkata kutintak allichirka. “Kikinkunami Ecuador llakatapi kawsak runakunman allita rikuchirkanchik, yachachirkanchuik”, nirka.
EG/pv/jc-kichwa
