Chay “Asamblea de puertas abiertas” llankaywan llaktakunaman chayashpa, Pedernales llaktapi, Manabí markapi, José Serrano Salgado, Mamallakta Tantakuyta pushak rimarka.
Shinallatak Manabí markapi Pedernales kitipak, Bolívar kitipak, Chone kitipak runakuna rimashkata uyarka. Mamallakta Tantakuypak llankaykunata riksichirka, chaypimi llaktaykuna mañashkata tikrachishun nirka.
Chay Pedernales llaktapak, chalwata llinlliwan hapishpa llankak, wakaychishka kuchamanta waranka tupu chawpimanta washa lluchunkata llinlliwan hapinkapa kamachiypi killkachun nirka, kunanpi tiyak kamachiyka chayta mana sakinchu.
Shinallatak pusak waranka chawpi tupupipash llaki tiyan nirka, chay kuskapipash wampukkuna mana chalwata ushanchu, lluchunka pushakkuna rimarka. Chay llakita anchuchik mushuk kamachiyta runakunaman manarak riksichinchu, mana yacharinchu rimarka.
Riksinawan llankak runakuna, chay 16 puncha, ayriwa killa, 2016, watapi allpa chukchuy llaki tiyashkamanta llakita charishkanchik nirka, antawata pushakkuna, pakllapi kawsakkunapash chay llakita riksichirka, kamachiymi llakichin nirka, chikan chikan patapi antawata purichishpa yachachikkunapash chay llakita charin nirka.
Chaypak, José Serrano Salgado, Mamallakta Tantanakuyta pushak, chayta rikuk hatun kamachikkunata kayashun nirka, paykuna imashina chalwakta rikunka, Manabí markapak riksina kuskakunata imashina yanapachun, antawa purina ñankunata allichichun nirka, wakra wiñachik, shuwakuna tiyakpi llakita chariktapash yanapachun nirka.
EG/pv/jc-kichwa
