Mamallakta Tantanakuy Guayaquil llakta 482 wata paktashkamanta, chay llaktapi rimanakuyta charinka, chay tantariman tukuy kamachiy killkakkunami chayanka.
Chay tantariman llankakkunapak, wawakunapak, llaktayukpak hayñikunata arininka. Shinallatak Mamallaktapi “Perla del Pacífico” wiñarishkata rimanka.
Amawta, José Serrano Salgado, Mamallakta Tantanakuyta pushak, chilla, 26 puncha, sitwa killa, 10h30 sayllata tantarichun kayarka.
Chaypimi Viviana Bonilla, Mamallakta Tantanakuypak shukni Kipapushak churashka arinina kamachiyta hawa achkata rimanka, chaypimi Guayaquil “ciudad de oportunidades” llakta kakta rimanka.
Kay mamakucha punku llakta Ecuador llaktapak yalli runakuna kawsan, 2 hunu 644 waranka runakuna kawsan, kay Mamallaktapak tukuy runamanta 16 % patsakri runakuna kawsan nirka.
Kay llaktapi kawsak runakuna payakunapak mushuk llankaywan, wasita mañachiwan Mamallaktata hatunyachishka killkashka panka nirka. Kullkiwan, riksinakunawan, kawsaytarpuywan, amawtaywan, kapukwan, kapukchik wasiwan, shuktakkunawanpash yanapashka.
Mamallakta Tantanakuy llakta kuyayta, munayta, sumaykaymanta, kitiwan llankana hawa arinishkamnata. Chay llaktapi kawsak runakunata kushikuyta kunka, shuk wata yalli kawsayta charishkamanta huyayayta kunka. Chay llatapi kawsak runakuna kushilla ñawita charishkamanta, sinchiyashpa llankashpa, Mamallaktata, kitita mirachishkamanta kushikuyta kun.
Kay tantaripika Servicio Público, Código del Trabajo para Prevenir el Acoso Laboral kamachiyta, shinallatak Acoso Laboral kamachiyta, servicios ocasionales uchilla kamachiyta wiñachina hawa rimanka.Ashalla pachapak llankayta kunapash tiyarinatapash rimanka.
LILA/pv/jc-kichwa
