Chay Guayaquil llaktata kamarinaka chay llaktapi llankashpami kan.
Mamallakta Tantanakuyta pushak, José Serrano Salgado Guayaquil llaktapi Mamallakta llankaywan sinchiyachun arinin, payka kapukchikkunawan, kiti ayllullakta pushakkunawan rimankuyta charirka.
Chay llaktakunata Mamallakta Tantanakuymanta yanapankapa arinirka. Shinallatak Guayaquil llakta wiñarishka puncha kakpi tawka aknaykunaman kuchuyarka.
Chishiman, Mamallakta Tantanakuyta pushak Sesión Solemne aknayman kuchuyarka, chaypimi Lenín Moreno Mamallakta pushakpash karka, yallik watapi hatun kamachikkunapash chaypimi karka.
Shinallatak kamachiy killkakkuna, harkak hatun kamachikkuna, Corte Constitucional kamachik, kitipushak, markakamachik, ista kamachikkuna, runata rikuk kamachikkuna, kushipatakuna, awkakuna, chapakkuna, shuktak llaktayuk kamachikkuna, kitimanta tawka kuskamanta runakuna karka.
Kay aknaypi kamarikunata tawka hatun kamachikkunaman chayachirka, chayka: Jaime Nebot kiti pushakman, imashina hatun kiti wiñarishkata rikuchishkamanta riksirka. Shinallatak Mamallakta Pushak rimarka, payka tukuy kamachikkunawan, tantarikunawan rimarka, kay "juntos emprender la tarea" rimaywan kachun nirka, shina tukuykunaman yanapay tiyachun nirka. Kitipushakwan, Mamallakta pushakwan ishankatin llankankapa shuk yuyarita killkarka, shina: wasita rurankapa, antawa purinata, kullkiman runakuna yaykurichun nirka.
Chishiman Batalla de Jambelí llakta 76 watata paktachishka aknayman chayarka, chaypimi chanita, kariyayta, mamakuchapi llankakkunata riksirka. Chay puncha, Armada de Ecuador awkakuna, Marina de Perú awakakuna makanakuyta charishkata yuyarirka, chayka 25 puncha, sitwa killa, 1941 watapi karka, Morán Valverde awka pushashka karka, awkakuna makanakushpa mishashkata yuyarishpa riksirka, shina ñawpapachapi ñakarikkunata riksirka.
LILA/pv/jc-kichwa
