Kay Biodiversidad minkashka Antisuyu llaktaman rinka, chay llaktapi Mamallakta Tantanakuyman mana chayamuk runakunapak rimashkata, yuyayta riksinka.
Chaypimi Circunscripción Amazónica kamachiy alli killkarichun paykunapak yuyayta churanka, shinami kay minkashkata pushak, Johanna Cedeño kamachiy killkak rimarka.
Kay yuyatytaka Antisuypak shulkapi, kitipi, markapi tiyak llaktakunapak kamachikkuna paykunapak munayta rikuchishkamanta, shinallatak: pukllakkuna, tantarikuna, runakuna, pay ñawpakman purinata rikushpami shina yuyarin, shinallatak: pukllak tantarikuna, llakta tantarikuna, runallaktakuna, yachay wallparikuk paykunallatak hapinka.
Kay kamachiyka kaymanta 100 punchapimi ña kanka, shinami katikilla pankapi churashka kanka. Kay kamachiyka Antisuyupak mutsuywan paktana yuyaymi kan, kullkitalla rikuna mana kanchu, tukuy llaktakuna wiñarishpa katichunmi kay kamachiyka yanapanka.
Kay Robin Velasteguí, payka Penipe llaktamantami kan, chay llaktapak kullkita ama surkuchun mañan, kay Ley 010 kamachiy rikushkata ama kuyuchichun mañan: “Shuk Ecuador llaktatalla charinchik nirka.
Shinami mana rikurik saywawan rakishkami kan”, shinami 75 % chay Penipe llakta antisuyupimi kan, 18 % patsakri, Parque Nacional Sangay es de Penipe llakta antisuyupi kan, wasiman chayak yaku kay llaktamantami rin, chaskishka hayñita ama kichuchun nirka.
Kay Jorge Sarango, Yacuambi kiti pushak, kamachiymi mana washaman tikrana kachun mañan. Allpa pachapi tiyak llaktakuna wiñarinata paktachichun mañarka, mana paktachishkata chayachinkapa kullkiwan yanapachun nirka.
Chay San Juan Bosco kitipushak, Mancomunidad de Morona Santiago, Cristian Saquicela kamachik, tukuy llaktakunami kikin wiñarinkapa kullkita mutsun nirka, tukuy kamachik patapi paktapakta kachun nirka.
JLVN/pv/jc-kichwa
