Kay Participación Ciudadana y Control Social minkashkaman yaykurishka kamachiy killkakkuna kay chashka puncha, 10h00 sayllamanta Orellana markapi tantarinka.
chaypimi Código del Sistema de Participación Ciudadana y Control Social kamachiyta rimanakunka.
Manarak kallarishpa, 09h30 sayllata, willay hillaykunawan shuk rimayta charinka, llaktakunaman willayta chayachinka.
Kay Héctor Yépez, minkashkata pushak, chay Consejo de Participación Ciudadana y Control Social (CPCCS) tantariman yaykurishka rimayta charikkuna, kamachikkunapash mayhan llaktay tantariman 10 chunka watamanta washaman kimirishka kachun nirka. Chay Carlos Pólit yallik kamachik llakita charishkamantami shina rikuchin.
Kamachiy killkakkunaka, CPCCS kamaywasita anchuchina riman, kamachikkunata akllana hawapash riman, kayta paktachinaka llaktakunata tapushpa Mamakamachiyta allichinan nirka“llaktakunaman wiñaypak akllay tiyachun tapuna nirka, miyuy hampita millpuna maru hawa tapuna nirka, shuktak llaktayukkupak allikachun tapuytapash rurana ”, rimarka.
Kamachiyta mushukyachina
Kamachiy killkak, Yépez rimashka shinaka, achka pachata apanka, achka sinchimi kan, tukuy Mamallaktapi tapunami urman nirka. Chaymantami, chaypak kamachiyta mushukyachinanapi llankana, kay ashtawan hawalla kan, ashalla pachata apanka nirka.
Kunanka, kay Comisión de Participación Ciudadana tantaripi tiyan, shukniki atirinakuyapak ña allichirishkami kan, karwa killaman Mamallakta Tantanakuyman ña chayachun shuyanchik nirka, Yépez kamachiy killkak, kamachiyta mushukyachinkapa utkashpa llankanami kan nirka.
MC/pv/jc-kcihwa
