Carchi llakta Colombia llaktawan saywarishka kan, kay markaka shuktak markakunamanta chikan llankaytami charin.kullki wiñarina llankaypimi chikan kan.
Kay tukuri watakunapi punchanta shuktakmi kashka, ashtawanakarin, dólar kullkiwan, peso colombiano kullkiwan chimpapurakpimi shina rikurin.
Shinami Tulcán llakta chawpipi kan, saywa kuchullapi achka runakunata charik kitimi kan, ishkantin Mamallaktami hatun mintalayta charin, Ipiales llakta, Colombia llaktaman 30 chinikutalla purina kan.
Carchi llaktapak llakika, chay kiti maypi tiyarishkamantami llakita aparin, chaytami Fernando Burbano, Juan Carlos Yar, Javier Cadena, René Yandún, kamachiy killkakkunapak rikuyka kan, katuna kuskakuna allichinata riman.
Mamallakta Tantanakuymanta chay llaktapi tantarita charinkapa allichirin nirka, chay llakita Mamallakta Tantanakuypak makipi churan, kipaman Carchi llakta yanaparichun, Mamallaktapash yanaparichun rikuchin.
Carchi llaktapi katikilla
Chusku kamachiy killkakmi shuklla yuyayta charin, tukuy kamachikkunami yanapana kanchik, ashtawankarin akllashka kamachikkunami achkata yanapana kan, runa tantarimanta, kullkiyachik tantarimanta, kapukyachik tantarikuna shuklla yuyayta charinka.
Kallari tantaripak ñami allichirishka kan. Kay 28 puncha, sitwa killapi, Carchi markamachikwan, kitikamachikwan, shulka pushakkunawan tantarinka, chaypimi imalla llakikuna tiyashkata, ima llankaykuna ruranata rimanka. 11H00 sayllata kallarinka. Pichka saylla kipaka Desarrollo de Carchi tantariwan rimanka, paykunawanka imashina markapak alli kachun kamachiyta killkana hawa rimanka.
MC/pv/jc-kichwa
