Shuk hatun yuyariwan kay arinishkata yanaparka, tukunami chuklla yuyaywan arinirka.
Shuk killkashka pankawan kamachikkuna arinichun kayanchik, chaypimi tiksi mutsuykunata, kitipak hayñita, llaktayukkuna chaypi kachun yanapan.
Mamallakta Tantanakuy Guayaquil llaktawan raymirka, shinallatak “Ciudad de Oportunidades” kitita shutichirka, kayta ashtawan yanapankapa shuk yuyarita killkarka, shina runakunata llaykaypi yaykuchinka, imatalla mutsushkata, hayñikunatapash yanapanka
Shinami, Mamallakta Tantanakuy Guayaquil llakta 482 wata wiñarishkata rikuchirka, chay llaktapi kawsak runakuna kushilla ñawita rikuchirka, chay runakunaka huancavilca nunata charik ñawpapachamanta shamukkunami kan, paykunapak llankaywanmi kitita wiñachishka, shinami alli llaktata rikuchinka.
Kay muhsuk yuyaytaka Viviana Bonilla kamachiy killkak rikuchirka, payka Mamallakta Tantanakuypak shukniki kipapushakmi kan. Kay pankapi kamachiy killkakkuna rimashkatami yaykuchirka tukuy kamachiy killkakkunami yanaparka.
Kamachiy killkakunaka kiti kamachikta, Mamallakta kamachiktami rimarka, tukuylla llaktay llankayta chayachichun nirka, kaymanmi uchilla llaktakunamanta runakuna kawsankapa chayamun nirka. Kay llaktapimi llankayta tarin, kullkiyay llankayta, kapukyachik llankayutami tarin nirka. Ama chullan chullan kawsay tiyachun llankayta wiñachina nirka.
LILA/pv/jc-kichwa
