Kay “deportación” rimayka Estados Unidos llaktapi shuk kawrimi rikurishka, kay tukuri killakunapika chaypi kana pankata mana charishkamanta aysashpa runakunata kachashka, hatun wiñaykawsaymi rikurin.
Chay llakika manarak Donald Trump Mamallakta pushak kakpimi ña tiyarka. Ñami 2001 watapi World Trade Center hatun wasita wakllichirka.
Chaymanta purik runakunapak hatun llaki rikurirka, shinallatak 2007 watapi ashalla kullki tiyakpipash shinallatak llaki karka, purina pankata mana charik runakuinapakmi ashtawan hatun llaki urmarka.
Chay hatun llakikuna tiyashkamantami achka purik runakuna paypak Mamallaktaman aysashka tikramukun, chay llaktapika ashalla llankaykunami tiyan, chay Barack Obama, 2009 watamanta, 2016 watakama llankashkata mana imatapash rimanchu, chay Mamallaktapak pushak purik runakunata kachashka yallimi rikurin, shinami 2 hunu, 500 waranka purik runakuna llakipi kawsakun.
Mamallakta Tantanakuypak Relaciones Internacionales minkashkapi rikukpika, sapan hunkapimi 50 runakuna aysashka tikramun. Kunan 2017 watapi 500 runakuna tikramushka, kay llakita rikushpami 27 puncha, raymi killa, Resolución de Respaldo y Solidaridad con los Migrantes Deportados yuyarita churashka kan.
Shinami, kay yuyarika tawka llankaykunatami rikuchin, Quito llaktapi, Guayaquil llaktapi chaskina ukukunata churachun mañan, Ecuador llaktaman chayamushka pacha yanapashka yarichun yanapan. Chayamuk runakna kullkiman, yachayman, kapukyachiman yaykurichunmi yanapan.
Kay Ecuador llaktapi llankay
Mamallakta Tantanakuyta pushak, José Serrano, kay yuyarita arinikushpa “Chay Mamallakta arinishkata mana shuktakyachinata ushanchik nirka, kay llaktapi alli llankaykuna tiyachun mushukyachinata ushanchikmi nirka ” chaypak Nueva York, Nueva Jersey, Connecticut llaktakunawan, Casa Legislativa wasiwan, Relaciones Internacionales minkashkawan, ista kamachiy killkakkunawan kimirishpa llankashun nirka.
MC/pv/jc-kichwa
