Mamallakta pushak, Lenín Moreno, rimashka kipa, José Serrano, Alianza PAIS tantariman kimirishkata tantarichun kayan.
Shinami willana hillaykunapi rimarka, Moreno Pushak, akllarinkapa Hatun kamachikpak llankayñanta paktachina, shinami Mamallakta Pushak katikillata churan.
Kamachik Serrano, Alianza PAIS tantarimanta mana anchurina nirka, paymanka tawka watakunapi wallpasha katimushka washaman shitaymi rikurinka, kunanka Ecuador llakta mushukyashkami rikurin.
Wasi ukup atinakuy, shuklla yuyay tukuy, takarinakuy tiyachunpash rimanakuyman kayarka.
“Tukuyman riksichishpa llakimanta mana llukshirin, pantaykunata mana allichin”.
Mamallakta pushakwan, Kipapushakwan mana piñanakuy tiyan nirka. “Mamallakta Kipapushpak llakita rimashpami shina rikuchirka, llaktamanta runakuna mama ishkay puchakta katina yuyayta charichun, paykunapak hayñita kamana”, nirka.
Shuwayta takay
Mamallakta Tantanakuypak yuyayka, punchanta shuwayta tankana yuyaymi kan. “Shuwayta washaman shitashpa kunankarina ama kachun rikunka, shina yuyami kunan punchapika tiyan, washaman tikranaka hatun huchami kanka”, Mamallakta pushakpak yuyayka achikllami kan, chaytami paktachina kanchik “chaymanta mana pakirishka Mamallakta Tantanakuy tiyana kan”.
Bucaram mashiyari
Shuk hatun yuyarika, tayta Bucaram yallik pushakwan mashiyarishkami kan, tayta Serrano kamachikpakka mana shina kanachu kan, Mamallaktata waktashpa wakllichikkunawanka mana alli yuyarita charinachu kan, shina rurashpaka Ecuador llaktata ashaman kachanami kan.
Rimanakuyta, Serrano Mamallakta Tantanakuy pushak, rimanakuyta alli ñawiwan rikun, kayka mutsurikmi kan nirka. “Mamallakta ama hapinakuy tiyachun mañan, llankay tiyachun, kapuk tiyachun, shuway hawa ñakarichun, takachun katin. Kaypika yupankapa mana kanchikchu, Mamallaktapi kawsak runakunatami yanapanchik, tukuripimi ñukanchikpura rimanakunchik”.
MC/pv/jc-kichwa
