Mamallaktapi llaktay llaki tiyashkamanta, Partido Socialista Ecuatoriano (PSE) tantari, Silvia Salgado pushak, kay tantariman yaykurishka runakuna Revolución Ciudadana llaktay yuyaywan katinkapa kayarka.
“Kay Ecuador llaktata mushukyachik kamachiymi kan, llaktay llakita, shukpaklla llakita allichikmi kan”, shinami warmi kamachiy killkak rimarka.
Chaymanta tukuylla yuyarishka llaktayka Mamallakta pakta yuyaywan kimirikmi kan. Chaymanta llaktay tantaripak pakta yuyayka shuklla hatunyachun mana yanapankachu: “Tukuypak allikachun paktana katikillatami pushanka”.
“Kay Revolución Ciudadana yuyayka ukllarinami kan, llaktakunapak yuyaywan sinchiyanami kan, waykalla llankana kan, llakikuna tiyakpi alli kachun arinina”, achikyachirka. “Mayhan tantarimanpash mana kimirinachu kan”.
Shuway hawa
Kamachiy Silvia Salgado “shuwayta pichana” nirka, Mamallakta waktarishka sakirinka. Kay yuyaywan, “llaktay tatarika Ecuador llaktapi kawsak runakunata sarushkamanta nanarishpa, wanachichun mañan, maymanta shuway shamuktapash pichanami kan”.
Kay PSE tantaripak llaktayka, kay chinka watapi alli llankaykuna paktarishkatami ukllanka, chaymanta Lenín Moreno Mamallakta Pushakpak llankayta achkata yanapanka.
Harkak kamachikkuna, paktakayta pushak kamachikkuna: “Shuwaykunata tarinkapa taripashpa katinami kanka, kamachiypak ñawpakpika tukuykunami paktapakta kanchik. Ecuador llakatapi kawasak runakunaman shuk manuta charinchik, uchilla tantaripak munaytaka mana paktachinachu kan”, shinami llaktay tantarita pushak rimarka.
PAU/pv/jc-kichwa
