Kay hunka tukuri punchapi Desfile Ecuatoriano de Nueva York pusharirka.
Kay punchapika, José Serrano Salgado, Mamallakta Tantanakuyta pushakwan, Doris Soliz, Relaciones, Internacionales minkashkata pushak, Ximena Peña, Ana Belén Marín kamachiy killkakwan karka.
Purinaman kayak Comité Cívico Ecuatoriano de Nueva York (Cceny), tantarimanta Serrano “Gran Mariscal del Desfile” shutichishka karka, warmi kamachiy killkakkunaka achimamakuna shutiwan rikurirka, chay punchapi achka purik runakuna chayarka, Queens kuskapimi pusharirka.
Kamachiy killkak, Ximena Peña, chay Estados Unidos, Canadá llaktakunapi purik runakunapak shutipi llankak kashkamanta, 27 puncha, sitwa killamanta purik runakuna tiyak llaktakunapi achka llankayta rurashka. Chay Estados Unidos llakta purik runakunata karkushpa kachashkamanta, chay Mamallaktapak ayllullaktakunapi purik runakuman llankashka.
Kay purinapika Nueva York kitipushak, Bill De Blasio kamachik karka; José Peralta, kamachiy allichik; Nueva York llaktapak kamachiy killkak, Francisco Moya, kamachiy killkak, payka Ecuador llaktamanta kan, Queens, Melinda Katz hatun kamachik karka.
Kay purinataka, Ecuador llakta kishpiyrinaka kallari kapari puncha kakpimi shina pusharirka, chaymantami chay llaktapi kawsak runakuna, kay punchata chawcharka “Mes de la Herencia Ecuatoriana” shutiwanmi pusharirka, chaymanta 60 waranka runakuna chaypi karka.
JC-kcihwa
