Shamuk 16 puncha, karwa killapi kanka, 09h30 sayllata kallarinka.
Kay Soberanía Alimentaria minkashkata pushak, Ricardo Zambrano, runakuna wan tantarinka.
Shinallatak técnico pecuario yachakkunata chaskinka, paykuna alli yuyaykunata churanka, shinami Fomento y Desarrollo Agropecuario kamachiy sumakta killkarinka.
Kay kamachiyka Semillas, Sanidad Agropecuaria kamachiywan, Tierras Rurales y Territorios Ancestrales kamachiywan, Recursos Hídricos kamachiywan tinkirishpa yanaparinka, shinami alli tarpuykuna mirarinka.
Minkashkata pushak, Ecuador llaktaka, wiñaykawsaymanta tarpuk Mamallaktami rikurishka nirka. Shinapash tarpuk runakunaka kawsaywan, kullkiwan mana pakta pakta kanchu. Chaymanta “murukuna pukuywan, tarpuykuna mirarinawan tinkirina may mutsurikmi kan, shina tarpukkunapak kawsay allichirichun achkata yanapanka”, yapa rimarka.
Kay kamachiyka Gobierno Central hatun kamachikpak llankayta, kikinllatak karupi kamachikpak llankayta nikinka. Shinallatak, kapukkuna tiyachun tarpuy llaktay tiyana kan, Mamallaktapak llankayñan, suyupak llankayñan.
Kay kamachiyka tarpuyta ukllachun katikachanka, tarpuy llankaywasikunapak tantari tiyachun rikuchinka, shinami Mamallaktapi muru pukuykuna allichirinka, pakllapi kawsak runakunapak tantaripash sinchiyanka.
PAU/pv/jc-kichwa
