Kamachiy killkak Teresa Benavides, payka Parlamento Latinoamericano (Parlatino) kipapushakmi kan.
Shinami, yachaymanta runakuna kasilla kawsana mushuk llankay hawa rimanakun, kipaka Ministerio de Educación hatun kamachikwan, Yachachikkunawan kimirishpa Mamallaktapi riksichinka.
“Kay América del Sur llaktaman maymutsurikmi kan”, llaktakuna alli kawsayman chayana kan, paypak kawsaytarpuywan, sumaychaywan, paktakaywan, llakita millpuriwan rimanakuyman chayana nirka.
Kay kamachiyta pushankapa Sumak Yachana wasikunata pushakkunawan kishkiyayta charishkanchik, Teresa Benavides rimarka, alli yuyaywan hapirka, chay yanacha kuskakunamantami kasilla kawsanata hapinchik nirka.
UNAE yachanawasi karuman chayay
Kay Teresa Benavides, kamachiy killkak, Mamallakta Tantanakuypak Comisión de Educación tantariman yaykurishka kan, chay Universidad Nacional de la Educación (UNAE) yachana wasita, Manabí markapi wiñachina ñami ñawpashka kan nirka.
Kay UNAE yachanawasipak kamachik, Freddy Álvarez, chay Jipijapa llaktaman rirka, paymi chay Universidad Estatal del Sur de Manabí yachanawasi, yachachina kuska kashpa yanapanka nirka, shinallatak yachachikkunata ashtawan yachachinkapa alli kanka nirka.
Kay 2018 watamanta, 2021 watakama, 32 waranka Mamallaktamanta yachachikkuna, paykunakuna kimsaniki Ciencias de la Educación yachashka pankata mana charikkuna yachanka, sumakyachanawasimanta Ministerio de Educación hatun kamachikkunwan kimirishpa llankanka, shinaka: Licenciatura en Educación Intercultural Bilingüe yachayta, Licenciatura en Educación Básica yachayta pushanka, ishkay watakama yachanka.
RSA/pv/jc-kichwa
