Shinallatak Biodiversidad minkashkata pushak, Johana Cedeño, kay tantariman yaykurishka kamachiy killkakkuna kallari kimsa killapi llankashkata riksichirka.
Chayka Circunscripción Especial Territorial Amazónica kamachiy hawa, shuktak kamachiykuna hawapash rimarka.
Warmi kamachiy killkak, kay mushuk kamachiyka wakin rantinchikunatami charinka, wakin llaktayukkunapak yuyayta hapishkami kan, shinallatak kay kamachiy pachamamapak kamachiyman chakatarishpa llankanatami rikuchin, allpa ukupi tiyakta surkukpi pachamamata wakllichin, chaytaka kamachikkunami allichinata charin.
shinami: “llankaykunata ruranka, chay Antisuyumanta yachak runakunaman ashtawankarin tukuylla llankayta kuna kan, paykunaman yapa llankaykunata wiñachina kan, mushuk llankaykunata wiñachik llankaywasikunaman, runakunaman, pakllapi kawsakkunaman, ecoturismo llankayta rurakman, pukllayta rurakman, mushuk yachayta pushakman ” kullkiwan yanapanka.
llaktrakunapi kamachiyta riksichina
Kay kamachiyka tukuy llaktakunaman riksichishkami kanka. Chaymanta Mamallakta Tantanakuy samarishka kipaka llaktakunaman llukshinata rikushka kan, chaypi runakuna, kamachikkuna, tantarikuna, yachakkuna mushuk yuyaykunata churanka, shinami 23, 25 punchakuna, karwa killapi Morona Santiago, Zamora Chinchipe, Pastaza markakunapi rimanakuyta charinka.
Shinallatak, kuski killa 6, 7, 8 punchakunaka Napo, Orellana, Sucumbíos markakunapi rikichinka. Chay washa Galápagos markaman kamachiy killkakuna chayanka. Shinami Consejo de Gobierno kamachikwan tantarinka, chaypimi Régimen Especial kamachiy imashina pachamamata ukllashpa, wiñachishpa, llankayñanta rurashpa llankashkata riksinka.
Warmi kamachiy killkak chay Santo Domingo de los Tsáchilas llaktaman chayanata riman, chay llaktapimi imashina llankashkata rikunka, kamachikkunapak yuyaymanta pachamamata imashina kamana hawa riksinka, shinanallatak Baños kitiman, Penipe kitiman chayanka.
JLVN/pv/jc-kichwa
