Yallik Petroecuador pushak, Carlos Pareja Yannuzzelli, shuway hawa huchachishka Estados Unidos llaktamanta Ecuador llaktaman tikramurka, kunanka kishpiychik ukumanmi yaykurin.
Paytaka José Serrano Salgado Mamallakta Tantanakuyta pushak tikrachimurka, paymi shamuchun mañarka.
Pay kay Mamallaktaman shamunkapa mana imatapash mañarkachu nishpa, Serrano tikuyman willarka.
Mamallakta Tantanakuyta Pushak, Serrano huchachishka tikramaunata uyashpa, Lenín Moreno, hatun pushakman riksichirka, paypak llaktaman tikrankapa mana imatapsh mañarkachun nirka, chay llankaytami paktachirka.
“Ñami Fiscalía kamachikpak makipi kan, paymi kay llankayta ruranka nirka”, Ministerio del Interior kamachikpak yanpayta, Secretaría de Inteligencia kamachikpak yanapayta chaskishpami shina yapa rimarka.
Llankayta katikpak llankay kakpi, kamachiy killkak Marcela Aguiñaga,Comisión de Justicia minkashkata pushak, Carlos Baca Mancheno kamachikta, fiscal general del Estado kamachikta kayashun nirka, yallik Pareja Yannuzzelli kamachikta wanachinkapa imashina katikushkata, taripaykuna paktakushka willachunmi kayana nirka, kay huchachishka runa wanachirichun kishpiychikwan yanapashka.
Kay Fiscalía kamamchik, Pareja Yannuzzelli, chay Petroecuador llankay ukupi shuwayman yaykurishka kan nirka, shuwayta yanapashkamanta pichka watata wichkana ukupi kachun arinishka kana. Shinallatak kamachiyta pakishpa yanka chariyuk tukushkamanta, imashina hucha aparishkata riksinkapa, kullkita pakalla shuwashkamanta wanachihska kanka.
PV/LILA/kcihwa
