Willana hillaykunapi CREO, SUMA, Partido Social Cristiano (PSC) tantarikuna, kamachiyta rikushpa, runakunapak yuyayta rikushpa, chay Jorge Glas, Mamallakta Kipapushakpak llakita rikurka.
Pay, Roberto Gómez, kamamchiy killkak, Glas paypak llankaypi katisha nikpi, kunan Hatun Kamachikpak llankaytami wakllichin nirka.
Kamachiy killkakkunapak yuyaypika, Mamallakta Kipapushak paypak llankana kuskapi katikpika, Mamallaktapi kullki wiñarinata mana ushankachu.
Shinami Henry Cucalón, kamachiy killkak rimarka, Glas kipapushakta wanachinata katinaka, llaktayukkunapak mañaymi tukushka: “ Mamallakta Kipapushakta wanachinaka llaktayukkunapak mañay, tukuykuna rikunami llipyarishka, llakta ushayta llakita pankayachishka”, nirka.
Mamallakta Kipapushak anchurina
Kay Gómez kamachiy killkakg, alli kachun, kipapushak hatun kamachiy llankaymanta anchurina kan, chaypak tukuy katikuykunata rikunka, shinami llaktay wanchita pushanka, paypak llankana kuskamanta, llankaymanta karkuna.
Shinallatak Guillermo Celi, Consejo de Administración Legislativa (CAL tantari, chay ) Corte Constitucional kamaywasiman kachachun mañarka, chay Función Judicial kamaywasi utkashpa, kay pachapillatak llankachu mañarka. Shinallatak kamachiy killkak, shuwaykunata pichachun mañarka, shina kay llaktapi kullki waiñarishpa katichun rikuchirka.
Shinallatak, Lenín Moreno, Mamallakta Pushak, chay Consejo de Participación Ciudadana y Control Social kamaywasi chinkarichun shuk tapuyta rurankapa llankashpa katichun mañan, llankankapa wiñarishkata mana paktachin nirka.
MC/jc-kichwa
