Kay 16 puncha, karwa killa, 2017 watapi, Richard Espinosa, Derecho a la Salud minkashkaman, IESS kamaywasiman 100 % patsakri, ancha ukuyta charik hampikuna rantishkata willanka.
Willana hillaypi willashpa Poly Ugarte, Espinosa kamachikman mana shina kan nishpa tikrachirka, ancha unkuyta charik unkukkuta kuyashpa hampishkata, hampita rantinkapa sinchi kashkata riksichirka.
“Mamallaktata purishka ñami 10 wata kan, tukuylla hampik wasipi, shukpaklla hampina wasipi, IESS hampina wasipi llaki tiyashkata willarka.
Paykuna hampita mana charin,” shinami Ugarte kamachik, rimarka, chay 12 puncha, sitwa killapi ministra de Salud, Verónica Espinosa rimarka, kay Comisión del Derecho a la Salud ukupi rimanakurka, imashina ancha unkuyta charikkunaman kullkita mirachina.
Kay Ugarte, Guayaquil llaktamanta Teodoro Maldonado hampina wasipi 7032 unkukkuna tiyan, chaymanta 706 unkukkunalla hampita chaskin. Shinami Carlos Andrade Marín hampina wasipi, unkukkuna, ayllukuna hatun llakita charishkata rikuchirka, Ministerio de Salud Pública mana hampita hawalla kachakpimi shina yalli llakita tiyan.
Shutipika 720 unkukkuna rikurin, Alzheimer unkuyta charin, paykunata MSP kamaywasi hampita rantinkapa uniyan, shinallatak 60 wawakuna epilepsia unkuyta charin, hampita rantinkapa kanchis killata uniyan.
Kushuk uchilla kamachiykuna
Warmi kamachiy killkak mushuk yuyarita uyashpa kushiyarin, kayka 4 puncha, karwa killapi rikurishka kan. Shinapash 7 nikiwan mana yuyarin, hampita rantinkapa mana kamachiywan arinin, kunanka panchi, karwa killakunapillami hampita rantina kan nishpa willan. Shuktak killakunapika mana unkukkuna tiyakta rikun, hampita rantichun mana yanapanchu.
EE/jc-kichwa
