Hatun Yachanawasi pushakkunawan unipak kullki tiyachun rikun, kikinpak kullki wiñarichun yanapan.
Shinami 2017 watapak unipak kullki ama pitirichun ñankunata mashkana.
Kaytami Comisión de Educación achkata rimanakurkakuna, tukuylla hatun yachana wasikuna rikurka, kay awaki puncha tantaripimi rimanakuyta charirka.
Tayta Augusto Espinosa kamachy killkakpak yuyaymi, minkashka pushakpak yuyaypika: taripayta wiñachinami kallari llankay kan nirka.
Kay yachaytami pakta yachayta tukuchikkunaman yachachina, chay yachaywan sumak ruray yachayta hapinka nirka, shinami allpapacha yachaypi maysumak yachaywan chayanka, chaypak achka kullki tiyana kan, kullki mana illana kan.
Chaynmanta , “Ley Orgánica de Educación Superior (Loes) kamachiyta allichishka kipa chay Consejo de Educación Superior (CES) kamachikkuna, kullkita churanapi arinina tantarikuna kachun nirka”, rimarka.
Alli llankaypak yachanawasipi ama kullki pitirichunka, hatun yachanawasipi 2016 watapak kulllki churashkatami churanka, shamuk punchakunapi Ministro de Finanzas kamachikta kayanka, paywan yachay kamachikkunapak tapuyta tikrachinka.
Tayta, Jaime Calderón, kay Escuela Politécnica Nacional yachay wsita pushak, kullki ama urayachun mañarka, ashtawankarin arinishka tiyakpi, amaswta runapak, kamay runapak mañashkata paktachina tiyakpi, hatun yachayta katikkuna tiyakpi, ista llaktamanta kamachikta llankaykuna ñanpi kakpi kullki mana pitirina kan.
MG/jc-kihwa
