Kay Ecuador llaktapak mamakucha uku allpaka 1,3 hunu warankatawa allpami kan, chaymantami achka allpata chapana yalli sinchi kakta hamutarka.
Yallik punchakunami china llaktamanta kipita aparik wampukta hapishka karka, chayka wakaychishka Islas Galápagos allpapimi taririrka.
Chay wampukpika silupika chinkarikuk tiburones wañushkata tarirkakuna, chaypika 300 hatunpukcha chalwami taririrka.
Kayta rikushpa Zona Económica Exclusiva (ZEE) yaku ukupi chalwata hapichun harkarka.
Kay Relaciones Internacionales minkashkapi kunan tutamanta Wang Yulin kamachikta uyarka, payka República Popular China llaktapak istakamachikmi kan, kallaripika maypilla llaki tiyashkatami rikuchirka, chaymi Ecuador llaktawan llakita allichirka. Shinami chay llakta tawka yanapashkata, sumak ruraypi yanapayta, rantinchirita, yachaypi, kawsaytarpuypi llankay yuyari charishkata rikuchirka. Kipamanka Ecuador llaktapi China llaktamanta wampuk taririshka hawami rimarka.
Kay Ecuador llaktamanta, China llaktamanta ista kamachikkuna shuk tantarita charirka, chay tantarika Asamblea de Naciones Unidas en Nueva York llaktapi pusharirka. Kay kayaypi China llakta mana manyayachishpalla, paktakaywan rimachun mañarka.
Shinallatak mayman paktanata rikuchun, ista hayñita rikushpa, Mamallaktapura llankanata mana wakllichishpalla rimachun nirka. Kay Yulin kamachik, taripashka kipa mana aparik wampuk kashkata rikurka, chiriyachik wampuk kashkata tarirka, kay llaki kamachiyta mana pakik kashkata rikurka.
MC/pv/jc-kichwa
