Kay Derechos de los Trabajadores minkashka Esmeraldas llaktapi rimanakuyta charinka.
Chaypimi mushuk Código del Trabajo kamachiy alli nikita charichun chay llaktapi kawsak runakunapak yuyayta chaskinka.
Llaktayukkunawan rimanakuyka 10h00 sayllata kallarinka, chay Auditorio de la Empresa Pública Flota Petrolera Ecuatoriana (Flopec) wasipi tantarinka, chayka Pacífico 00, Puerto Rico ñankunapimi kan, Las Palmas kuskapi, Esmeraldas markapimi sasirin.
Kay yuyaykunataka chikan chikan llankak tantarikuna, amawta yachakkuna, runakuna, llankakwasikuna, kamaywasikuna yuyayta churanka, chay yanapaykunawanmi Código Orgánico Integral del Trabajo kamachiy allita killkarinka.
Kay minkashkata pushak, Liliana Durán Aguilar, chikan chikan tantarikunamanta, runakunamanta, kamaywasimanta yuyayta churashakawan alli Código Integral del Trabajo achiklla killkarinka, tukuysami llankayta rurachun achkata yanapanka.
Kamachiy killkakkuna kay hatun kamachiyka tukuytami yanapanka nirka, hicharishka kamachiykunatami tantachinka nirka, kunanpi tiyak pitishka Código de Trabajo kamachiyta allichinka, paya 70 watatami charin.
RSA/pv/jc-kichwa
