Kay tapunaka mana mutsuyllachu kan, kamachiy mañashkata paktachinami kan, chaymanta tapunkapa kutsikyana, alli ñanta charina.
Shinami llaktayukkuna munashkata paktachinkapa, kayta Cambio Positivo tantari, 14 tapuyta Mamallaktapak alli kachun churanka.
Shinami Luis Fernando Torres kamachiy killkak, kayka mana tapuychu, Mamallaktapak munay iñukunami kan nishpa achikyachirka, chaytami Mamallakta pushak, imatapash mana mañashpalla rikunata charin nirka.
“Apuchiyta hapinkapa kay llakita llaktakkuna chawchana pacha mana kanchu, tukuykuna tantarishpa llankana pachami kan, ayllullaktapak munayta hapishpa, mushukyana ñanta hapinami kan”, yapa rimarka.
“Runakuna tapuyta churakta yanapashun, chayka llakta ushay rantinchirinaman, kishpirinaman, kapukyayman pushanka”, yapa rimarka.
Kay César Rohón kamachiy killkakpak yuyaypika, kullkita kutintak mirachina, kanchamanta kutintak kullkita tikrachimuna kachunmi kan; Ecuador llaktami iñikuy tikramuchun, churashka kullkita ñawpasha kunkapa shina nirka.
Shinami kapukyachik llankayman samayta kuna; kullkita kanchaman surkunkapa churashka kullkita kuna anchurichun, shinallatak Plusvalía kamachiy anchurichun, llankaykuna mirarichun, kutsiklla kachun, wasi ruraykunami kullkita mirachik llankay kan.
Kutin, Poly Ugarte kamachiy killkak mana kullkita kuchun hampikunata llaktayukkunaman kuna nirka, chay hampikunataka ancha unkuyta, mana riksishka unkuyta charik, sapalla unkuyta charik runakunaman chayachina nirka. Shinallatak muspachik hampita tsunkana maruta anchuchina nirka, muspachik unkuyta charik 270 waranka runami kay llakiman urmashka nirka.
Shinallatak Dallyana Passailaigue kamachiy killkak, Mamakamachiyka mana kullkita kushpalla yachayman yaykuna nirka, chayman mana tsiknishkalla yaykuna nirka. Chaymanta, yachakukkuna paykuna munashka, muskushka yachayta kutintak hapichun yanapanka.
MG/pv/jc-kichwa
