Tayta, José Serrano Salgado, Mamallakta Tantanakuy pushak, Internacional de La Rioja (Unir) Hatun Yachaywasiwan shuk yuyarita killkan. Chay yachachina wasika Reino Unido de España llaktamanta José María García-Pañuela kamachikwan killkarka.
Mamallaktapura kamaachiy killkakkunata, yanapakkunata, awllikkunata yachachinkapa, yanapankapa yuyarirka, paykunaka kamachiy killkakkunata yanapankapa zirmata katishpa yachanka, Mamallaktaman kamachiyta killkanka.
Kay yuyarika, killkashka punchamanta yupashpa ishkaywatata llankankapami kan.
Tayta José Serrano kay yuyarita killkashka kipa, Mamallakta Tantanakuypak wallpata yaykuchichun nirka, ashtawankarin Llaktayukkuna chaypi kachun yaykuchichun nirka.
Shinami imashina kamachiyta killkachun achkata yanapanka. Tukuymi kamachiy katikuywan, sumakyachaywan kimirinka, kamachiyta mirachinka, llankayta rikunata yanapanka, shinaka hatun yachaymi kanka.
Ecuador llaktapi kawsak runakuman amawta yachayta hapichun yanapanka, shina paykuna muskushka yachayta hapinka, kimsaniki, chuskuniki yachayta charinka.
Chay José María García-Pañuela, chay Unir yachanawasi kay yuyarita killkana may sumakmi kan. Payka alli yuyaywan kana, pakta runakunami yachanka, Mamallakta Tantanakuypi allita chaskishkami kan, Mamallakta Tantanakuyka Ecuador llaktapak shutipimi llankan.
RSA/pv/jc-kichwa
