Mamallakta Pushak Lenín Moreno, runa hayñi takay anchurichun 24 yuyarita killkarka, José Serrano Salgado Mamallakta Tantanakuyta pushakpash chaypi karka.
Mamallakta Pushak runakunapak hayñi allpapachapi kana, mana anchuchina kachun, chikan yuyaymanta, iñimanta, rimaymanta, mitamanta, tullpumanta, shuktak sami kakpipash mana tsiknina kan nirka.
Kay Comisión de la Verdad llankashkata, ancha llakikuna tiyakpi Reparación de las Víctimas y la Judicialización kamachiy paktashkata rikuna nirka.
Shinallatak Ecuador llaktapi, 4 puncha, wayru killapi, 1983 watapi, 31 puncha, kapak killa, 2008 watapi ancha llaki tiyashkata rikuchirka.
"Tukuykunami chaysamillatak hayñita charinchik, chaymi paktakaypak, kasilla kankapa, sumaychaypa tiksi kan. Hayñipi paktapakta kaymi illu llaktay ushaypak shayak kan, chayka Declaración Universal de los Derechos Humanos kamachiypak yallimi kan, chayka 1948 watamantami shamun, ushayta paktashka, mana paktachishkachu, llakirishkamanta, runapak hayñita pakishka, allpapachapika chikutimi kan", nishpa rimarka.
Shinapash, Purina hayñika tukuy punchami pakishka kan, mashnashi purik runakuna, ñukanchikpak llaktamantapash chay llakitami charin, wiwatashina karkushkami kan. Hunu runakunami tiksi mitachiman mana yaykun, wasitakarin mana charinchu, shinaka runakunapak hayñitami pakin.
Chay yalli ancha llakika 1987 watamipi karka, 167 llakishka karka. "Yalli runa hayñita pakishpa llakichinaka León Febres Cordero pushak kashpa, (1984 -1988) watakunapimi karka, 310 waktashkakuna rikurirka, tukuymanta 68 % patsakrimi karka".
"Ñukachikpak llaktapika kay shina llaki mana ña tiyanachu kan", yapa rimarka, kay llakita rikuk Fiscalía kamachik, runa hayñita pakishka llakita kallaripi churachun nirka.
MG/pv/jc-kichwa
