Kay100 tantarikuna, kamaywasikuna, chunkaniki rimanakuypi karka.
Chaypimi Código de Trabajo kamachiy hawa rimanakurka, ciudad ukupi, Riobamba kitipimi pusharirka.
Kay makirurak tantarikuna, LGBTI tantarikuna, tisikukuna, yachakukkuna, purikkuna, mushuk llankakkuna, yachakkuna, kikinllankakkuna, wasimamakuna, shuktakunapash chaypi karka mushuk yuyaykunata churashpa rimarka, chay tantariman 200 runakuna chayarka.
Markapak wakrakamak tantaripak shutipi, tarpukkunapak shutipi Alfonso Falconí, rimarka, payka murukunata katunkapa llakita charishkamanta rimarka, Latinoamérica llaktakunap, allpapachapi chimpapurashpa mintalana hawa rimarka. Chaymanta, llankana saylla chutarichun mañarka, hunkapi 40 saylla llankanata, sukta punchaman chutachina nirka.
“Kapukyachishpa kipa aylluman yanapay tiyakpi, llankay tiyachun riman”, Pablo Ávalos nirka, tantarishkami Ecuador kanchik, llankakunataka mana yanka rimanachu kan nirka, Mamalllaktata wichiman pushakmi kan nirka.
Ista llaktamanta Chimborazo markaman tikramuk purik runa, Marcelo Cárdenas, chay llaktaman runa kullki llankay yaykurichun mañarka, chay uchilla suyumanta llankakta runata hawa riksichirka, tisiku runakuna imashina llankashkata rikurka.
RSA/pv/jc-kichwa
