Kay tantaripika kawsaytarpuy hawa, iñikkuna kasilla kawsachunmi rimanakuyka kanka, kaya 14 puncha, wayru killamantami 137° niki Unión Interparlamentaria (UIP) tantari pusharinka.
Chayka San Petersburgo, Rusia llaktapimi kanka, kay hatun tantarika shamuk chilla 18 punchakama kanka.
Kay Ecuador llaktamanta kamachiy killkak: Doris Soliz, minkashkata pushanka, Lira Villalva, José Chalá, Ángel Sinmaleza, Juan Cristóbal Lloret, Fernando Burbano kamachiy killkakkuna chaypi kanka.
Kay rimanakuypika 4 uchilla tantarikuna llankanka, shina: llakta ushay, unipak llakta wiñari, Objetivos de Desarrollo Sostenible (ODS) hawa, Mamallaktapi, ista llaktapi kamay tiyachun kanka, kay tukuri rimayka illapakuna ruray tukurichun, mushuk ayñikunawan makinchina, zipiyarik ayñikuna illachun rimanka.
Hatun rimanakuyta yanapak, uchilla tantarikunapi rimay, yachay tiyanka. Kay rimaykunaka kariwarmi paktapakta kachun, kamachiy killkakkunapak rimay ukupi yuyaykuna mirarichun, yaykurichun, kari warmi runakuna paktapakta rimachun rikunka, pakta runakuna alli yuyayta surkuchun yanapanka.
Tantariman rikkuna
Kay Asamblea General tantariman rik - Doris Soliz
Kay Relacionamiento con las Naciones Unidas tantariman rik- Fernando Burbano
Kay Paz y Seguridad Internacional tantariman rik - Ángel Sinmaleza
Kay Desarrollo Sostenible, Finanzas y Comercio tantariman rik- Juan Cristóbal Lloret
Kay Foro Mujeres Parlamentarias tantariman rik - Lira Villalba
Kay Democracia y Derechos Humanos tantariman rik - José Chalá
Llankaykuna
Kay Ecuador llaktamanta rikkuna, 13 puncha, wayru killapi Grupo Geopolítico de América Latina y el Caribe (Grulac) rimananakuy kallarinka. Chay Unión Interparlamentaria (UIP) tantariwan llankaykunata pushanka yuyaymi kan.
RA-MC/pv/jc-kichwa
