Kay Régimen Económico minkashka, Finanzas, Carlos de La Torre Hatun Kamachik, kay 2017 watapak kallari sukta killapak kullki hawa rikurka.
Kay kullkita tukuchinkapa mana allita churashkata riksichin, kamachikkuna rantinchirishkamanta, 2016 watapi kullki churashka chayrak llankakurka nishpa riksichirka.
Kay 2017 watapi kullkipak chani mirarishka, 2016 watapak ashallami kan nirka, shinami 0.16 % patsakrimanta, 1.59 % patsakri uraman kan nishpa riksichirka.
Kay PIB kullki, 2016 watapak sukta killapika mana allichu karka, 2017 watapak kullkika asha mirarishka karka. Shinami 2016 watamanta, 2017 watakunapi llankay mirarishka riman.
Kay hatun kullki rantinchirirka, kullki maruta alli rurankapami tiksi nipata rikuchin, mashna kullkita charinatapash rikuchin, chay kullkiwan imashina llankanatapash ñanyachishpa riksichin.
Kukllki yaykurinata rikuchikpi, llankankapa kullki tiyashkata rikuchikpi, kallari kullkika 29 waranka, 835 hunu dólar kullki tiyakmi rikurin, nikishpa rikushkapika chay chanillatakmi rikurin, chaymi kay mitapak llankayta yanapanka.
Kay kulli yaykurika 4 waranka 384 hunu kullki kanka, kay 5 waranka 096 hunu kullki rikurishka. Kay kallari chanikunata hamutana, imashinami kay chanikunata allichishpa katishkata rikuna, kullki tiyashkawan llankaykunata paktachishka allimi rikurin nirka.
RSA/pv/jc-kichwa
