Mamallata Tantanakuy Dr. Vicente Rocafuerte kamarita, shuk Yuyarita chayachin.
Chay Teresa Benavides kamachiy killkakpak makiwan chayachin.
Shinallatak chay Congregación de Misioneros Oblatos de los Corazones Santísimos yanapashkamanta kamarita chayachin, kushipata Julio María Matovelle Maldonado kallarirka, chaymi 113 watami kallarishka kan.
Payka arawik, kamachiy yachak, willak, kushipata, llaktak, killkak karka, Julio Matovelle Cuenca llaktamanta karka, shinami Teresa Benavides kamachiy killkak rimarka, Pachakamakpak rimayta uyachirka, wakcha runakunawan wawki tukurka, pay kawsashpa alli yuyayta tarpurka.
Pachamamapi, Ecuador llaktapi kawsak runakunapak nunapi wiñarishka, chay wata Congreso hatun tantaripi rimarka, ñukanchik Mamallaktapak kullki Sucre shutita charichun mañarka.
Shinami, chayka Gran Mariscal de Ayacucho hatun awkapak shutita churarka. Antakuru purina ñanta yanaparka, chayka punasuyuwan, kuntinsuyuwan kimirichirka, kipaman Eloy Alfaro Delgado tukuchirka.
Kay Basílica del Voto Nacional iñina wasita, chay Virgen de Panecillo wakata rurashkamanta paypak alli llankayta ruran. Chaypimi nuna yuyayta, kuyayta, yanpayta payta katikkunaman, mashikunaman, iñikkunaman, llaktayukkunaman sakirka.
Yuyaykuna
Wiñaykawsayta yachak Isabel María Salazar, chay Julio Matovelle kiti llankayta yanaparka, kikin hayñita charirayta rikuchirka, warmi kashkata, ayllumanta rikuchirka, shinallatak runapak, pakllarunapak, runapak kullki yuyayta charirka. Shinallatak apunchik yuyayta, shuktakkunatapash charirayarka.
MG/pv/jc-kichwa
