Tukuylla llaktayta pushakkunawan, kapukyaywan, yachay llaktayta pushakkunawan, uchilla mushuk llankayta rurakkunawan, llankaywasita charikkunawan, Mamallakta Tantanakuy kallari yachayta rurarka.
Kay ñata katishpami Emprendimiento kamachiyta killkankapa Guayaquil llaktapi tantarirka, chaypimi tantarikuna, kamachikkuna, yachakkuna karka.
Llaktakunamanta kamachiy llankaykunata ñawpakman pushankapami rimanakuykunata ruramun, mushuk llankayta kamaywasiyachinkapa, mirachinkapa, Ecuador llaktapi kawsak runakunaman mushuk llankayta rurachun yachachinkapa rimanakuykunawan kallarishka kan.
Kay yachaykunawanmi chikan chikan hatun kamachikkunawan mushuk llankayta pusharinka, Mamallaktapak tukuylla kamaywasikunapi, shukpaklla kamaywasikunapipash pushanami kanka.
Sapan markakunapi mushuk llankayta pushak runakunata shayachina, chaywan mushuk Emprendimiento kamachiy llankachun ñanta paskana. Kayta rimashpami Marcela Cevallos, Emprendimiento, Ecosistema Innovador kamachiyta wiñachina nirka.
Mamallakta Tantanakuyta pushak, José Serrano Salgado napashka kipa, mushuk llankayta pushakunaman shuk makiwaktayta chayachirka, mayhan Mamallaktata mushuk llankaywan, mushuk rurayta shayachina hawa rimarka, yachaypi kak runakuna yanaparka.
Yachachina
Tawka yachakkuna rimashka kipami: kullkimanta, churashka kullkimanta, katunkapa yaykurinamanta, katunkapa pankakunata allichinamanta rimarka, shinallatak sumakruraymanta, mushuk ruraymanta rimarka.
Chaypimi Servicio de Rentas Internas kamachik, Agencia de Regulación y Control Sanitario kamachik, Corporación Financiera Nancional kamachik, Ministerio de Productividad kamachik; Sservicio de Compras Públicas kamaqchik, Comercio Exterior kamachik, sapan kawsay yachapi llanklashpa katinka.
Chaypi kakkuna
Chaypi 250 runakuna shamurka, mushuk llankakkuna, amawtakuna, chay Universidad de Guayaquil yachakukkuna. Kay yala yachaykuna Manabí, Santo Domingo, Loja, Los Ríos, Azuay, Pichincha markakunapi pusharina kan.
RSA/mv/jc-kichwa
