Kay Código Orgánico de Organización Territorial (Cootad) kamachiyta allichinkapa yuyaykunata hapinkapa llaktakunaman llukshikun.
Kay Gobiernos Autónomos minkashkapi yaykurishkakuna, kay llankayta pushak, pichka markakunaman chayarka.
Shinallata chaska punchaka Manabí karkapi kanka, chaypi runakunapak, kamachikkunapak yuyayta chaskinka.
Llaktakunamanka llaktakkunapak yuyayta, runakunapak, tarpukkunapak, amawta yachakkunapak, llaktayukkunapak yuyayta hapinkapami rishkanchik nirka.
Runakunamanta haṕishka yuyaykunawan Cootad kamachiypak nikikunata allichishun, shinami Montgómery Sánchez Reyes kamachioy killkak rimarka, payka minkashkata pushakmi kan.
Kay tantaripika minkapi llankanami kallaripi kan, “runakunaman yanapana, paykunapak llakita, mutsuyta allichinami kan, runakunapak, llaktayukkunapak kawsayta allichinkapa achkata yanpanka”, rimayta tuchirka.
Kay achiklla yuyaywan El Oro, Loja, Esmeraldas, Los Ríos, Carchi markakunata purishkata riman. Chay rimanakuypimi chikan chikan kikinllatak karupi llankak kamachikkunapak llankayta, mitachita allichina hawa, kitikipapushakpak llankayta sinchiyachinamanta rimarka.
Shinami Sánchez kamachiy killkak, kulka killa, 2018 watapi, kay kamachiytaka kallari atinakuyta charinkapa kallari killkata rikksichinaka. Shinami Mamallakta wiñarichun achkata yanapanka, tiksi mutsuykunata allichinkapa yanapanka, shina chirli yakuta charichun, mapa yakuta kacharichun tututa ruranka.
LILA/pv/jc-kichwa
