Kunan tutamanta yanapak 55 shutikunawan, Jorge Glas Kipapushakta llaktay wanachiyta rurankapa tawka llaktay tantarikuna shutita huntachirka.
Kay 63 takarik kamachiy killkakkunamanta, 54 kamachiy killkak shutita churarka, shinapash Marcia Arregui kamachiy killkak PAIS tantarimanta kan.
Kay Roberto Gómez, CREO tantarimanta kamachiy killkak, Kipapushak pay llankashkata rikuchina pacha chayarka riman, shinami, “Kay Ecuador llakta huchata aparinata ña mana ushanchu nirka”.
“Mamallakta Tantanakuy ukupi, mayhanklla shuwakunata takak, mayhankunalla shuwakunata ukllak kakta, chay ñankunami tiyan”, rikuchirka.
Chay Henry Cucalón, Partido Social Cristiano tantarimanta, llaktayukkuna kaparikukta rikushka shina rimarka, llaktayukuman riksichina kanchik nirka, shinami kamayta arinishkata, runakunapak mañayta uyana kanchik, llakikunaka achikllami rikurin nirka.
Paktana yuyayka wanachina, surkuna yuyaymi kan, shina kamachiy killkak kushilla sakirinka, Mamallakta kasiklla kamaywasi kachunmi mutsun, llankaykuna wiñarichun llankana, wakchayayta anchuchina, wakcha runakunapak kawsayta allichina, paykunapak munayta chayachinami kan.
Munaykuna
Kay SUMA tantaripak kamachiy killkak, Guillermo Celi, kunan kawsakushkata rimarka, Mamallaktapi shukpaklla munayta, llaktay tantaripak munayta mana churanachu kanchik nirka, shukkunata harkanka tawka llankaykunata rurana nirka. “kaymi shuwakkunata ñawipi takay kan nirka”, shinami sinchita rimarka.
Kay shutikunataka Consejo de Administración de la Legislatura tantariman chayachinka, utkashpa kay wanachi paktachun nirka, kipaman Corte Constitucional kamaywasiman chayachun, chay washa Mamallakta Tantanakuyman kachanka.
MC/pv/jc-kichwa
