Kay 50 % pataskri kari warmi takanakuyta mana kamachiywan wanachishkachu kan, chayrak taripaytami rurakun.
Shinallatak, shuktakmanta rimashpaka 47 % patsakri mana kamachiywan wanachishka kashka.
Chaykuna hatun llaki kakta rikuchishka, shinami Gustavo Jalkh, Consejo Nacional de la Judicatura pushak rimarka.
Kay Comisión Aampetra, Mamallakta Tantanakuyman yachana wasikunapi kari wami wawakuna takanakuy llakita charishkata willankapa chayamurka, kunankama paykuna llankashkata willarka.
Chayka “73 % patsakri kamachiywan wanachishka, nishpalla, 1653 llakikuna allichirishka”, riksichirka. Chaymanta, 23 % patsakri mana llakichik rikurishka, 76 % patsakri supaychashka kan nirka.
Kay willayka, Amparo Molina mamata hamutachirkachu, payka Aampetra tantarita pushakmi kan. “Kikinkuna imashina kakta mana riksinkichikchu nirka”, rimarka. Sapan llakikunata imashina kashkata riksina kankichik nirka.
Chaytami mama Silvia Salgado shinallatak yuyayta charirka, payka rimanakuy patakuta pushakmi kan, chay rikuykuna imashina kamachiy llakita tarishkata riksichinka nirka.
Yachana wasikunapi kari warmi wawakuna llakita chirishkamantaka, kay tukuri kimsa watapika 714 wanaykunami rikurishka, shinapash mana tukuykuna kamachiywan katikunhcu nirka. Kay llakikuna wanachishka kachun, taripay pachata pitina kan nirka, wanachi katikuy mana kamashpalla sakirinachu kan nirka, chay Fiscalía kamaywasipi rikurinatami charin nirka.
LILA/pv/jc-kichwa
