Llankaypi payayashka runakunaman, tisiku runakunaman kullkita mirachinka.
Chay kullkika mana patsak urayman kankachu, kay chanita sapan wata rikuna kachun, chay tiksi kullki imashna purikta rikuna kachun.
Kay yuyayka Mamallakta Pushak Lenín Moreno churashkami kan, chaytami kamachiy killkakkuna, tanatrikuna, kamaywasikuna hapirishka.
Kay yuyaytaka Derechos de los Trabajadores minkashkakunapash allimi nirka. Kamachiy killkakkunapash makita waktarka, kipaman maymanta kullki llukshikta rikunka.
Pakllapi kawsak runakunaka Mamallaktapi kullkita mirachik runakunami kan, paykunami imashina kullkita tukuchinata rikun, chaymantami Seguro Social Campesino kullkita wiñachina kan, paykunapak llankayta hatun pampapi ukllana kanka, shina may allita yanapachun. Shinami utkachik kamachikka alli yuyaywan riman.
Mushuk Seguridad Social kamachiyka, kay kullki llankaypi payayashka, tisiku runakunatami achkata yanapan, shinami kamachiypak 134 nikipika riman, patsak kullkita mirachinka Kamachiy Kamukipupi killkarishka kipami paktachinka.
Kay IESS kamaywasipak Kamachiy llankankapa llukshishka 30 punchamanta kallarinka, chaypimi kullki patakunata allichina kanka, kay mushukyaykuna mutsushkata paktachinkapa wiñarishka zirma hillaykunata allichina kanka.
Pay Raúl Tello kamachiy killkak rimashka, “tukuykunami llankaypi payayashka runakunaman, tisiku runakunaman 100 kullii wichiyachun alli yuyayta charichun yanapashun, chaytaka Seguro Social Campesino kullkiman kimirishkami kanka. Shinapash ashalla kullki kaymanta mana anchurinchu”. Allimi kan, shinapash kunan kullkimanta wichiyachun maymanta chay kullki chamunami llaki rikurin nirka.
RSA/p/jc-kichwa
