Shinami Carlos de la Torre, Economía y Finanzas hatun kamachik rimarka.
Shinallatak, paymi Para Impulsar la Reactivación Económica del país kamachiyta charina alli kan nirka.
Mutsurishkakunaman paktankapa llankayta kay kamachiy yanapanka nirka, tukuyllapak kullkita yanapanka.
Chaynmantami asha asha churashka kullkita churana, dólar kullkipak llankayta hatunyachina nirka.
Shuktak paktaykunata rimarka, kipaka zirmata katishpa imashina kullkita chayachina hawa rimarka.
Kay hawaka rimayta charik kamachiy killkakkunapak Comisión de Régimen Económico minkashkakunapak, awllikkunapak llakirishpa llankaymi karka. Chay rimari patakupimi killkashka pankata rimarka, utkata arininami alli kan, chaypak tawka kamachikkunata kayashpa llankarka.
Kamachiy killkakkunaman hapina panka kullkita mana purichinata llakilla rikurka, “ yanapayka mana kanchu, wanachinami rikurin nirka”, kullkita purichikkunami kishpiyrishka arininka, mana ninkapash, kullki wasipak yanapay tiyakta rikunka, karupi hapikpak yanapaytapash rikunka
Hatun kamachikka zirma kullkiwan rantishkamanta kullkita chayachinkapaka illak yupaymantami kallarina kan nirka, chay mitachimanta asha kullkita kunami kan, kunan panka kullkipak chanimanta asha uraymanmi kanka.
Tukuylla kullkiyuk wasi, shukpaklla kullkiwasi, tantarishka kullkiwasi zirma kullkita makinchinatami yachanata charin, panka kullkita watapi charinata 800 hunu kullita ashayachinka, wakaychishka kullkitapash kamanka.
Mushuk kamachiypak yanapayka, De la Torre kamachikpak yuyapika, 250 mirachina yuyaymi kan, waranka llankayta wiñachinka, shinami Casa Para Todos llankayta pushanka. Kamachiyka, Código de Planificación y Finanzas kamachiypak 125 nikita mushukyachinata riman, kay nikipi imashina kitipi, shulkapi kamachikkuna wanunata rimanka. Chirlli yakuta, mapa yakuta kachana, mapa rirputa, anta mapata anchuchina llankaymi kullkita chayachinka.
LILA/pv/jc-kcihwa
