Huchata kunkarinataka llaktakuna, runallaktakunami mañan.
Shinami, kaytaka Mamallata Tantanakuypak Comisión de Justicia tantaripi yaykurishkakuna sapan huchachishkakunapak huchakunata rikukun.
Chaytaka Franklin Samaniego, minkashkata pushakmi shina riman, kallari killkata minkashkaman yaykurishkakuna rikuchun churarka, manashka purishpa katichun.
Shinami, Luis Fernando Torres, kamachiy killkak payka kay minkashkaman yaykurishkami kan.
Kay huchata kunkarina chayrak mayhanlla imasami huchata charishkata manarak akllashka tiyan nirka, chaytami kishpiychikkuna pankakunata chayachinata charin, chayta kay mañay ukupillatak churachun mañarka. “Chay awkakunata, chapakkunata waktakka, runata tsiknishpa aysak, hamik mana kishpiyrinkachu nirka, mañayka mana allita killkashkachu kan”, riksichirka.
Kay Consejo de Administración Legislativa (CAL) mañi 30 wanaykunata rikurka, paypimi Comisión de Justicia tantariman chayachirka, kamachiy killkak, Torres, CAL tantarika, kallari rikuyta rurarka, minkashka ñami ishkaykutin rikurka. Chaypimi shina llakitaka rikurishka, chaymantami tukuy willashkata arinina mana hawalla kan, Torres rimarka.
Mama Marcela Aguiñaga, paytay llakikuna tiyanata mana iñirka, llakita, kunkarichun mañay mana alli willashka kanka, imashina llaki kakta rikuna mana sinchichu kan. Nishpallaka, mana tiksishka, sinchi mañaychu kan. “Mañakkuna mana achiklla mañaykunata killakshka, chayta rikushpa kamachiy killkakkuna allita tikrachichun”, shinami Aguiñaga rimarka.
MC/pv/jc-kichwa
