Kay Código Orgánico de Organización Territorial, Autonomía y Descentralización (Cootad) allichinkapa katin.
Kay kamachiyka Gobiernos Autónomos minkashkapi allichirishpa katin, Montgómery Sánchez pushakun.
Kaya 30 puncha, sasi killa, kikinllatak kamachikkunapak rimaykunata uyanka.
Kay 10h00 sayllata, Daniel Avecilla kamachikta chaskinka, payka Asociación de Municipalidades del Ecuador (AME) tantarita pushakmi kan.
Kay Cootad kamachiy allichirichun paykuna yuyashka, rikuykunata, mushuk nikita churanka. Shinallatakmi Gustavo Baroja markakamachik rimarka, payka Consorcio de Gobiernos Autónomos Provinciales del Ecuador (Congope) pushakmi kan.
Chay gobiernos autónomos descentralizados kamachikkunapak, yachakkunapak, riksikkunapak, kapukyachikkunapak, tantarikunapak, llaktayukkunapak yuyayta hapinkapa, El Oro, Loja, Esmeraldas, Carchi, Los Ríos, Manabí, Galápagos markakunapi rimanakuyta charirka.
Kay llaktakumanta yuyaykunata pallashkawan, Mamallakta Tantanakuypak chikan chikan tantarikuna yuyayta churashkawan Cootad kamachiypak nikikunata allichinka, kipaman kallari atinakuypak willayta killkanka, shamuk wata kullakillapak ña allichishka kanka.
Kamachiy killkak Sánchez kitikuna, shulka tantarikuna, shuktak llaktay tantarikunapash yuyayta churashkata hawaman rikuchirka. Kay churashka yuyaykunata allita rikushpa hapinka, shina tukuy manyamanta shamuk runakuna munashka tukuypak kamachiy kanka.
LILA/pv/jc-kichwa
