Kay Comisión de Justicia tantari Cañar markamanta mañay 1 llakita arinirka, paykunaka, Manuel Anastacio Pichisaca runa llakitukushkata kunkarichun mañark.
Payka 2015 watapi antawa purina ñanta harkarka. Kay llakikunata rikuk minkashka sapan llakikunatami rikurka, kipaman shuktak llakikunatapash rikunka.
Sarun 23 puncha, sasi killapi, Pichisaca, kay Comisión de Justicia tantariman shamurka.
Chaywan imashina mana kamachiyta pakishpa hucha kashkata willay huntarka, chayka runakunapak hayñita mashkashpa ñanta harkashka rikurirka, shina chay llaki kunkarina kachun paktarka. Kamachiy killkakkuna iskun apuchiwan yanaparka. Kipaman chay ñan, Mamallakta Tantanakuy pushak kachanka, chay washa kamachity killkakkuna hunta atinakunka.
Shuwayta takay
Kay puncha rimanakuypika shuwayta harkankapa kamamachiyta rimay iñutapash churarka. Hawallami rimanakuy kachun churarka; chikan chikan kamachiy killkakkuna rikuyta churashkata rikurka, kamachiyman yaykurichun, mana yaykurichunpash churarka.
Shinami Código Orgánico Integral Penal (COIP) kamachiyta, Ley de la Contraloría kamachiyta, Servicio Público kamachiyta, Código de Organización Territorial, Autonomía y Descentralización kamachiyta, Transparencia kamachiyta, Consejo de Participación Ciudadana y Control Social kamachiyta rikurkakuna.
Shuk rikuyka Wilma Andrade, kamachy killkak rikushkami karka, paymi COIP kamachiypak 68 nikita allichichun mañarka, kay nikimi hayñita chinkachik rikurin nirka, runa wichkarishka kashpapash mana hayñita chinka “ Kutin Mamallaktapak kullkita hapishkamanta, tukuyllapak kakta hapishpa kikinman churakta, llankayta kushpa kullkita hapinkapa willakta hayñita kichushka kanka”. Shinapash kawsaykama hayñita kichunaka mana allichu kan nirka.
MC/pv/jc-kichwa
